星期一, 10月 29, 2018

【粵語小説】島城嘅輪迴(下)

「嘩!」我大叫一聲。

「楊特首,你唔咩嘢嗎?」政務司司長林明傑問。

「堂堂特首竟然喺會議上瞓覺。成何體統!」眾志黨議員黃劍鋒鬧我。

「楊……特首?」我摸下自己嘅面,諗下自己係邊個,「呢度喺乜嘢地方?今日係幾年幾月幾日?」

幾十對好奇嘅眼望緊自己。

「楊特首,你係唔係唔舒服啊?或者你去唞下先……」

「快啲話畀我知呢度係邊度!」

「呢度係香港立法會。特首,而家係非常時刻,如果你唔得勝任行政長官呢個位,請你馬上辭職。」黃劍鋒話。

「喂,黃議員,請你唔愛咁無禮。」林明傑反擊。

「立法會?唔通頭先又係發夢?喺宋代、喺二戰時期嘅我全部都係夢?但係點解嗰啲夢嘅感覺咁真實嘅?會唔會係我嘅過去人生?」

我大力搔下自己嘅頭,再深一啖氣,現實世界嘅記憶全部返嚟腦入邊。今日係2046年8月30日,我嘅身份係香港特區行政長官,即係特首,而且而家嘅世界正在發生緊一件好可怕嘅事。就係喺一年前,一個隕石墜落喺西伯利亞平原,隕石入邊寄生住外星孢子。接落嚟,孢子爆裂生出一大堆變形異獸。呢啲變形異獸可以偽裝成人類嘅樣,然之後暗中捕食人類。後來,人類發現變形異獸嘅存在後,開始同異獸交戰。但係,異獸嘅攻擊力好強,輕易噉擊敗人類嘅軍隊,侵占咗成個亞洲大陸,只淨返台灣、北海道同香港未畀異獸污染。

如今,香港政府正在討論緊是否要關閉邊境,以避免異獸偽裝成難民混入香港。

「對唔住各位,正話有啲攰,所以神智有啲唔清。而家我冇問題喇。我哋繼續辯論議題。」我向各位議員道歉。

「唔緊要。特首,請你立即決議關閉邊界,否則下一個淪陷嘅就係香港。」黃劍鋒建議。

「我反對。香港必須盡人道責任,而家喺羅湖嗰度聚集咗一百萬嘅難民等住我哋去救援。」林明傑反對。

「香港已經收留咗五百萬難民。我城係彈丸之地,根本冇地方再收留呢啲難民。我收到嘅消息話,異獸已經攻入深圳,羅湖嘅難民可能混入咗好多異獸都唔定㗎。如果我哋再唔啟動電磁保護罩嘅話,香港肯定淪陷。」

電磁保護罩係唯一能夠阻止異獸進入香港嘅防護裝備,設置喺全港邊界。喺呢個時候,立法會大熒幕嘅電子地圖顯示緊喺北方大陸代表異獸嘅紅色正在慢慢噉逼近香港。

「唔錯,特首,請你立即啟動保護罩,保護全城二千萬嘅市民!」民主前線議員梁志琦話。

「咪啟動!打開邊境!」林明傑突然間發癲。

我注意到林明傑嘅面部有啲唔妥,一個奇怪嘅諗法出現喺腦入邊。

「你唔係林明傑!」我大叫。

呢個時候,林明傑嘅頭變成好多條觸手,好似一隻八爪魚黐喺一個人嘅身上。呢個變化嚇親現場嘅眾多議員。

「係異獸啊!」議員紛紛大叫喊。


嗰個扮成林明傑嘅異獸伸出好多條觸手變成刀劍亂咁斬立法院入邊嘅議員。一啲走唔甩嘅議員就畀異獸斬死,現場一片血海。混亂中,我嘅膊頭畀異獸嘅觸手斬咗一刀,血流如注。

我匿喺台下低,諗住點可以趁亂逃走。

「兵兵兵!」警察向異獸開槍。但係異獸嘅行動速度非常之快,十幾個警察喺一瞬間畀斬成肉醬,現場真係慘絕人寰。

一隻異獸就咁犀利,萬一北方成個異獸大軍攻入香港,噉就係島城嘅末日。

我一定要隊冧呢隻異獸,再啟動電磁保護罩保護香港。

就喺呢個時候,我睇到一個警察條屍嘅旁邊有一粒手榴彈。呢個係唯一消滅呢隻異獸嘅機會。

警察繼續同異獸交戰,而我匿喺異獸嘅後面趁機行動。

機會嚟喇!我抓起嗰粒手榴彈,解開安全裝置。

「異獸,去死吧!」我大力丟手榴彈去嗰隻異獸。

異獸想閃,但係嚟唔切,手榴彈喺異獸嘅面前引爆,將異獸炸成碎肉。

我得咗喇!但係,我覺得胸口一陣冰冷。原來異獸喺畀炸死嘅嗰一瞬間伸出佢嘅觸手插入我嘅心臟,打算同我同歸於盡。

我周身係血,身體越嚟越凍。

「楊特首!楊特首!振作啲!」黃劍鋒議員扶起我。

「立即……啟動……保護罩……」我用盡最後一啖氣,「保護……我哋嘅……島城……」

「我哋一定會嘅!楊特首!振作啊!」

我覺得越來越攰,雙眼慢慢瞇埋,最後眼前一黑。後來發生乜嘢事我唔知道,但係我相信我哋嘅島城一定會大步檻過,度過呢次嘅難關。

我希望我再次睜開雙眼嘅時候,我哋嘅島城會係一個自由嘅城市。一個命運由人民自決又免於畀外族威脅嘅自由島城。

(全文完)
此作品獲得由香港【港語學】主辦的第二屆廣東話徵文比賽人氣大獎

星期日, 10月 28, 2018

【粵語小説】島城嘅輪迴(中)

「啊!」我成個人從床跳起身。

我見到床邊日曆,掛住今日嘅日期——1941年12月9日。

「原來頭先係發夢。」

我望下窗外嘅天時仲係好黑,又覺得好攰,於是諗住想瞓多一陣。

「楊定浩,仲瞓呀?日本人打到嚟喇!」尤努斯嘅話突然出現喺耳邊,嚇咗我一跳。

「乜話?呢度又係戰場?」

「喂,你到底醒咗未喔?或者瞓到懵咗?楊定浩中士。」石威龍話。

我深一啖氣,諗起我而家嘅狀況。我楊定浩係駐港英軍嘅中士,加埋我兩位兄弟石威龍同尤努斯屬於魔鬼山陸軍基地。雖然尤努斯係巴基斯坦人,但係佢嘅廣東話比我仲更加標準。

「唉,又係打仗。早知就唔愛參軍喇。」

「有早知,就冇乞兒。你醒咗未㗎?」尤努斯拍下我嘅膊頭。

「醒咗喇,我去沖個涼先。」我攞起軍裝準備去厠所。

就喺呢個時候,門口嘅警示白燈突然變咗紅燈,一直閃下閃下。然之後,基地傳出一陣非常之嘈嘅警報聲。

「嗚嗚嗚——嗚嗚嗚——嗚嗚嗚——」

呢個警報聲淒厲無比,我感覺到四周圍嘅空氣打緊冷顫,好似有非常之恐怖嘅事就嚟發生。

「日軍空襲!日軍空襲!」尤努斯大叫。

接落嚟係一連串嘅爆炸聲。

「定浩,快啲匿埋喺防空洞!」石威龍撞開廁所門,拉我出來,然後跟住成隊人走入防空洞。

「喂,我沖緊涼㗎。」

一個又一個嘅爆炸聲出現喺耳邊,大地喺度震動緊,好似成個香港就嚟畀炸沉。

廿幾分鐘之後,日軍嘅轟炸卒之結束。但係,更加可怕嘅事情發生咗。

啟德機場畀日軍徹底炸平,駐港英軍嘅空中力量完全癱瘓咗,幾萬名日本陸軍第38師團穿過咗深圳河,占領城門碉堡。而家日軍正突破緊醉酒灣防線。一旦醉酒灣防線失守,魔鬼山甚至成個香港都會淪陷。


「全體軍士,集合!」基地下達集合令。

魔鬼山基地總指揮華萊准將企喺司令台,同大家彙報:「各位軍士,幾分鐘前,我哋收到一個壞消息。醉酒灣防線畀日軍攻破咗,駐扎當地嘅守軍全軍覆沒。喺度,我哋一齊為保衛呢個島城而壯烈犧牲嘅英勇軍士默哀三分鐘。」

默哀完後,全體軍士就位。

「日軍已經重重包圍魔鬼山基地。我哋嘅補給同通訊已經畀日軍斷開,換言之,呢度已係一個孤城。」

華萊准將此言一出,全場嘅軍士一片嘩然。有啲軍士咬牙切齒,有啲軍士露出擔憂嘅面色。

「大家一齊殺出去!」尤努斯大喊。

「唔錯,殺出一條血路!最多就係與敵人同歸於盡!」我認同尤努斯。

其他軍士個個情緒高昂,好想同日軍決一死戰。

「請大家稍安毋躁,我哋一定會突圍嘅。但係,而家最迫緊嘅係,我需要三名勇士為我完成一個任務,就係喺三十六個小時之內將呢份作戰機密轉交到駐守紅山半島嘅加拿大部隊嘅羅森准將。呢關係到我哋香港嘅存亡。」

「長官,請派我去!」不知邊度嚟嘅勇氣畀我自薦。

尤努斯同石威龍見我咁勇敢自我推薦,兩人亦跟住舉手自薦。

「好,楊定浩中士、尤努斯中士同石威龍中士,等陣嚟辦公室見我。」

「係,長官!」

我哋三兄弟接下呢次嘅任務。呢個任務事關我哋島城嘅存亡,只要喺呢一日半嘅時間交呢份作戰機密畀駐港加拿大部隊嘅羅森準將,佢就會聯絡英國皇家海軍喺遠東最大嘅戰列艦隊——威爾士太子號艦隊請求支援,香港到時就可能解圍。

正所謂:「三個臭皮匠,抵過諸葛亮。」當晚,我哋三人做咗一個詳細嘅計劃,首先,我哋扮成老漁夫,再兜去人煙比較少嘅將軍澳漁村出發到香港島,趁住海上大霧嘅時候,登陸白沙灣,然之後直去紅山半島嘅加拿大部隊基地。

聽朝早,我哋趁住天時仲係好黑嘅時候,照住原定計劃,假扮成七十幾歲嘅漁夫,從將軍澳出發坐喺一艘小漁船,避開日軍巡邏艦嘅封鎖線。

唔到兩個小時,我哋成功登陸白沙灣。我以為我哋嘅行蹤冇畀人發現。誰不知今次我估錯咗。

「咪郁!」一名日本巡邏兵發現咗我哋。

我轉過頭嘅同時,左手立即從腰帶抽出一柄小刀丟去嗰個日本兵。飛刀插中嗰個日本兵嘅手,佢大叫一聲,鬆開手上嘅步槍。

同時,尤努斯快速嘅從左邊胳肋底下抽出一把恩菲爾德左輪手槍朝住佢嘅胸口開咗一槍。

「兵!」呢一槍聲,驚動咗成個寧靜嘅海灘。有四五個日本兵聽到槍聲立即趕過來。

有乜嘢可能?我哋嘅行蹤點會畀日本兵發現㗎?不過,呢幾個卒仔點會係我哋三個神槍王子嘅對手。

「尤努斯、威龍,我哋試下喺十秒內隊冧佢哋……」

「兵!」一聲槍聲從後邊傳出。

我轉過身,只係睇到尤努斯擘大雙眼,佢成身都係血,仆喺地,死咗。

「尤努斯!」

射死尤努斯嘅唔係他人,而係同尤努斯與我情同手足嘅好兄弟——石威龍。石威龍殺死尤努斯?佢點解要噉做?

呢個時候,石威龍嘅面目無表情。佢嘅槍口對住我。我嘅心怦怦聲亂跳,我唔敢相信眼前發生嘅係事實。

「威龍?你……你做咩?」

接落嚟嘅一幕仲更加令我不可思議。就係,嗰幾個日本兵竟然向石威龍行軍禮,然後同石威龍嘰呢咕嚕佢講起日語。

石威龍放低佢嘅槍,微笑嘅對我話:「楊定浩,睇喺我哋從細玩到大,我誠意邀請你加入我哋大日本帝國,一齊建立偉大嘅大東亞共榮圈。」

石威龍嘅話猶如五雷轟頂。我唔敢相信曾經同我一齊出生入死嘅好兄弟竟然係日本人嘅走狗!

「石威龍!原來你一早就投靠咗日本鬼仔!」

「識時務者為俊傑。你睇下,美國嘅珍珠港畀日本輕易嘅毀滅,越南、馬來亞、菲律賓嗰啲歐洲殖民地全部畀日軍占領咗,中國更加唔使講,重慶政府淪陷係遲早嘅事,成個亞洲就快成為日本嘅天下。」

「你收聲!就算成個世界都畀日本霸占,我都愛保護香港!保護我哋嘅島城!」

「哈哈,保護香港?」石威龍大聲奸笑,「點保護啊?香港周邊嘅廣東省、海南島、台灣都畀日本人食咗。香港能夠守多五日係奇跡喇!」

「你呢個叛徒!出賣香港!」我咬牙切齒。

「畀我嗰份作戰機密。我會幫你喺北島少將嘅面前講幾句說話。話唔定可以畀你做個少尉。」

「我寧願死,都唔愛交畀你。」講完,我立即搣爛嗰份作戰機密文件。

「兵!」一聲槍聲,我感覺到心口一涼,血花濺滿面,一粒子彈從我嘅胸膛穿過……

(待續)

星期三, 10月 24, 2018

【粵語小説】島城嘅輪迴(上)

「縣尉大人,今次大鑊啦!正話探子回報,韃子騎兵已經攻入嶺南道!廣州失守咗!」前哨隊長緊張嘅回報。

前哨隊長呢番話,搞到縣府大廳一片混亂。

「乜嘢話?廣州冧咗?噉皇上同信國公咧?有佢哋嘅消息冇?」

「失去咗嶺南天險,我哋香江城畀屠殺係遲早嘅事!」

「韃子騎兵所向無敵,抵抗佢哋肯定全軍覆沒嘅!縣尉,呢下點算先好呀?」

我沉默唔講嘢,成個腦好鬼亂。領兵抗擊韃子入侵嘅信國公文天祥而家音訊全無,少帝同成個行朝亦恐怕兇多吉少。我哋香江只不過係一個方圓百里嘅島上之城。城內守軍同老百姓加起嚟唔到五萬人,點可能打嬴兇殘嘅韃子大軍。

我嘅好兄弟劉柏佑似乎睇穿我喺度諗乜嘢,佢拍下我嘅膊頭,講:「大哥,唔使擔心,嗰啲韃子騎兵唔識水性。我哋香江城有鯉魚門作為海上屏障,我諗我哋一定守得住幾個月,到時再逼敵軍同我哋談判。」

「劉賢弟此言有理。」

劉柏佑呢番話疏解咗我嘅擔憂。

就係呢個時候,一個哨兵緊張嘅走入縣府,喘氣大叫:「縣尉大人,有急事…急事…禀報。」

「你慢慢講。」

「鯉魚門對岸集合一大批戰船!」哨兵話。

我一聽嚇咗一跳,拎起把劍,騎上馬衝出縣府,一路走到岸邊。

「唔通係韃子嘅水師?斃喇,而家我城毫無戒備,睇嚟今晚大家一齊死。」

到咗岸邊,望見遠處嘅戰船上飄緊「宋」嘅皇旗。咦,呢個唔係少帝嘅船隊麼?

「皇上駕到!請香江城全體官兵迎駕!」帶頭嘅皇船上一個太監叫道。

我帶領一班香江城官員行到岸邊,好誠心嘅低頭揖拜迎接皇帝嘅光臨。

「皇上萬歲、萬歲、萬萬歲!」

左丞相陸秀夫攜住少帝趙昺行上香江城岸。

「眾卿家平身。」少帝揮手。雖然少帝只不過係個九歲嘅細路仔,但係佢嘅舉手投足具有皇帝嘅風範,樣貌極之莊嚴。

呢次係我第一次見到皇帝,心裡邊非常之激動。

「香江城縣尉何在?」陸秀夫問。

「微臣在。」我跪低。

「皇上有旨,從今日起,香江城係大宋皇帝嘅行朝所在。」

陸秀夫嘆一啖氣,扶起我,話:「楊縣尉請起。天下就嚟亡於蠻夷,香江城係大宋江山嘅最後一寸土地,老夫希望楊縣尉同各位英雄能夠勤王攘夷,為我哋漢人嘅天下留低最後嘅火苗。」

陸秀夫呢番話,聽到我成個身滾起嚟,話:「微臣誓必保護皇上同大宋江山直到最後一啖氣、最後一滴血!」

「朕多謝你。」少帝話。

「香江城縣尉楊定浩聽命。」陸秀夫代少帝下旨,「今日係祥興元年五月初八,皇上冊封你為大宋護國將軍,御賜你一把尚方寶劍,命你統率香江城嘅勇士誓死保住大宋行朝。見此劍如見皇上,如有唔聽命令者,可先斬後奏。」

陸秀夫講完就交把尚方寶劍畀我。

「多謝皇上咁睇得起微臣。微臣願粉身碎骨都要保住大宋同香江城!」

夜晚,韃子大軍已經從廣州一路殺到珠江口,搶咗幾隻宋軍嘅戰船,準備侵佔宋朝最後一個領土——香江城。

前哨隊長回報咗前線嘅情況後,我立即用護國將軍嘅名義第一次集合香江城全部嘅鄉勇隊長嚟討論有乜嘢抗擊韃子嘅對策。

「各位兄弟,韃子已經殺到埋身喇,香江城同大宋嘅命運懸於一線,唔知各位有乜方法嚟擊退韃子嘅水軍?」我問大家。

「我而家就帶一班兄弟去殺呢啲蠻人個片甲不留!」陳隊長大吼。

「你咪亂嚟!你噉做等於帶大家去送死!雖然韃子唔識水性,但係佢哋人數多,打起嚟一定寡不敵眾。我認為咧,最好就趁住喺夜深時派我哋嘅蛙人小隊靜雞雞去破壞韃子嘅戰船,整沉佢哋,畀佢哋全部喺夢裡邊葬身大海。」李隊長提議。

「你都戇居嘅,你以為咁容易沉咩?嗰啲戰船原本係我哋宋軍嘅,點會咁容易畀你破壞到咧。」郭隊長唔認同。

「姓郭嘅,你憑乜鬧我呀?你自己有乜嘢好建議,即管講出嚟!」李隊長嬲咗。

「我認為最好係派一隊人馬兜到韃子嘅後方,然後燒晒佢哋嘅糧草,搞到佢哋亂晒龍,再派大軍正面殺佢哋一個措手不及!」

「黐線!而家成個大陸都係韃子,你點兜去後方點火啊?發夢都唔咁早呀!」

就係大家鬧嚟鬧去,搵唔到結論嘅時侯,我發覺我嘅好兄弟劉柏佑粒聲唔出嘅企喺一邊。

「劉賢弟,你有何高見?」

「對唔住,大哥。我一時諗唔到乜嘢方法。」劉柏佑回答。

我聽咗有啲失望,唯有對大家講:「好,咪嘈喇,我今晚會諗辦法,聽日我會決定點做。各位兄弟,早唞。」

會議噉就結束咗。

夜深之時,劉柏佑突然間嚟搵我。

「大哥,唔好意思打攪晒,其實我早有妙計,只不過唔想畀太多人知道,所以我正話唔講住,望大哥見諒。」

「劉賢弟,你太客氣喇,你有乜嘢妙計,快啲講嚟聽下。」

「係噉嘅,我哋……」劉柏佑細聲講出佢嘅計劃。

「妙計,真係妙計。好,我哋就依計行事。」

第二日,我對大家作出宣布:「今晚子時,我哋嘅水兵將會分頭坐廿隻草船去偷襲韃子嘅水師。」

「大哥,噉未免太過冒險咗喇。請大哥三思呀。」劉柏佑勸阻。

「唔需多講。我已經決定咗。呢個係軍令,邊個違令就斬邊個。」

劉柏佑好唔忿氣,於是佢偷咗一隻草船。就喺晏晝趁住哨兵換更嘅時候,偷偷地遊去鯉魚門對岸,即係韃子水師嘅基地。劉柏佑一上岸,舉起白布,求見韃子水師嘅將軍。

韃子將軍接見佢,問:「你呢個南蠻好大膽,你嚟呢度有乜嘢目的?你唔驚我會殺你呀?」

「將軍大人,小人嚟呢度係為咗愛投靠大元帝國,因為楊定浩嗰個死牙擦,自以為好犀利,睇唔起小人。小人就愛證明畀佢睇,冇咗劉柏佑,佢必死無疑。」

「你愛我點信你呀?」

「將軍大人,楊定浩嘅計劃就係今晚子時會用草船偷襲大元嘅水師。正話小人打探到一個消息,就係今晚香江所有嘅戰船都會集合喺深水灣,只要我哋先發製人,偷襲佢哋嘅船隊,搞到佢哋陣前大亂,然之後元軍一舉登陸香江城,到時嗰個小皇帝一定跪喺將軍面前嗌契爺。噉將軍大人就係滅宋嘅大功臣,名留青史啊。」

「哈哈,講得好!」

「等陣戌時小人會喺深水灣岸邊放火作為信號。將軍大人一睇到小人嘅信號,就帶水師殺入嚟。」

「好,一言為定。」


劉柏佑同韃子將軍傾好咗,就偷偷地返去香江城。

接近戌時,韃子將軍帶領五隻戰船共三千人水兵遊到深水灣附近,喺度等劉柏佑嘅信號,準備進攻。

到咗戌時,深水灣岸邊著起大火,韃子將軍下令進攻,全部戰船一齊遊入深水灣。點知一入到嚟深水灣,一隻宋軍嘅戰船都睇唔到。韃子將軍發覺自己中咗計,下令撤退,但係太遲喇,全部韃子嘅戰船好似豬籠入水,想走都走唔甩。

「點火!放箭!」我下令。

幾百支著火飛箭從深水灣嘅四面八方射向韃子嘅戰船。韃子嘅戰船忽然間變咗火船。韃子水兵全部人兵荒馬亂,唔係跳落水浸死,就係畀火燒死。

呢條計就係劉柏佑嘅妙計。佢一開始同韃子將軍詐降,呃嗰啲韃子嚟到深水灣,而我就埋伏所有軍隊喺深水灣嘅四周圍,準備打一場包圍殲滅戰。

我帶住一支突擊隊登上韃子嘅主戰船,喺船上同韃子兵打肉搏戰。

我一劍插死韃子將軍。當我準備宣布勝利時,突然間背脊一涼,畀人斬咗一刀,我成個人仆喺地。我轉身一睇,誰不知斬我嘅,唔係韃子兵,而係我嘅好兄弟劉柏佑。

「劉……賢弟?」

「哈哈,我呢個一箭雙雕之計犀利吧。借你嘅手殺死呢個死蠢韃子將軍,然之後乘機隊冧你,再一舉剷平成個香江城,滅咗沒鬼用嘅宋朝。到時大元皇帝一定封我做大官!哈哈哈!」劉柏佑大笑。

「你呢個……你呢個叛徒……你走唔甩嘅……」

「哈哈,你嘅突擊隊全部都係我嘅人。楊定浩,受死吧。」劉柏佑講完,就命令企喺我後面嘅突擊隊長,「斬佢嘅頭落嚟。」

喀嚓一聲,我見到我嘅身體少咗粒頭……

(待續)

星期二, 10月 23, 2018

邪淫戒詩

夜的黑,吞不了液晶框裏的色
任由全身的饑渴,集結在眼
就算輻射如何灼熱
也要和躺在熒幕含情脈脈的她,袒身相見

她柔媚的笑、流波的眼
露出窒息的一絲不掛
此刻,什麽戒律和聖言
全被賁張的欲火灰飛煙滅

她突然一聲冰冷的嬌喘點燃了孽
欲罷不能的指頭引爆多巴胺
瞬間,眼前空白綻放
仿佛這是與天堂最接近的時刻
這一夜是十六歲的某夜
自此,深夜的她淪為我的伊甸
邪淫的籽在心田發芽

十幾年來,一點一滴的灌溉
芽的根,從川島一路攀纏蒼井
寄生的邪淫長成毒林
結滿一顆顆的妄語、懶散、成績一瀉千里
忤逆父母、對女眾起淫心
直到一天,從鏡中發現陌生的自己
面焦、髮墮、軀殼剩骨、精血徹底枯竭
啊,這是我嗎?

仿徨無主的靈魂,忽然聽見佛陀
“無有恐怖,遠離顛倒夢想!”
何謂顛倒何為實?
“觀身不凈即實相”
此時,她的貌剩下骷髏,白肌裂出膿血屎尿
“色,本是盛糞花瓶,何苦迷戀!”
我淚濕滿眼,躬身佛前合十懺悔。

星期日, 10月 21, 2018

【短篇小說】五萬年前

五萬年前的世界是長什麽樣子的?

五萬年前……        
天空,也是黑蒙蒙的嗎?
大地,是不是像現在一樣是無盡的沙漠?
空氣,會否也摻雜著致死的輻射?

我不知道。
我想知道的是:那時候,地球上除了我們,還有誰?
我曾聽爺爺說,當我們祖先還在陰暗的地下水道卑微地爬行時,世界是很美麗的。
那時候……
天空,是一種無法用文字形容的蔚藍。
大地,依然覆蓋著不少的翠綠。
空氣,雖然偶爾會有一些煙霧,但是感覺還是很清新的。
爺爺還說,我們的祖先有時候還會興奮地飛起來。
我想,那時候的地球住著各種各樣的生物,有的比我們小,也有的比我們大上百倍。
不似現在的地球,只剩下我們一族。
五萬年前的世界,到底長什麽樣子的?沒人知道。
但,我知道五萬年前的這一天,發生了一件非常可怕的事情!
那件事改變了地球,也改變了我們!
我決定要去查明真相!

刺眼的綠光,維持了三分鐘之久。
“您即將抵達五萬年前。嗶啵。”
心跳得很快,因為很快就能實現我最大的心願:回到五萬年前。
“目標時間,即五萬年前,已經抵達。現在正打開時空隧道出口。嗶啵。”
此刻的心情,興奮得筆墨難以描述! 
這次的時空旅行,我伊爾不只是完成自身的心願,還背負一個重大任務。
我要查明我們族人基因殘缺的原因。
根據史料,這追溯到五萬年前的那件事。
那件事導致了我們少了一雙手、失去了一對翅膀,更讓我們祖先曾引以為傲的感覺器官——觸角,徹底退化。
我們族人的基因被不明的輻射汙染了五萬年!
這歷史之謎,我要解開!

不一會兒,綠光漸漸消失,時光機停止了。
五萬年前的世界,我來了!
我睜開雙眼。
“啊!”
我不是在發夢嗎?
映入眼簾的,是從未遇到過的陽光,溫暖極了!
腳下果然是爺爺所說的翠綠草地。
頭上頂著的是蔚藍天空!
這一切都是真的!
定睛一看,我身處在一間獨立式洋房的花園裏。
咦,有聲音?

“爸爸,星期日一早要去哪兒啊?”一個女孩說,語氣有點失望。
“對不起,紫芊,爸爸突然接到急事,非要趕去核電廠一趟不可。爸爸答應你,一忙完就立刻回來帶紫芊吃大餐哦。”
爸爸一說完,匆匆上車啟動引擎,呼嘯一聲,從視線上消失了。
“爸爸真討厭!”紫芊嘟起嘴,一臉不開心。
躲在墻角的我,見到了剛才對話的爸爸和紫芊的樣貌。
此刻,我大吃一驚。
他們……他們怎麽長得跟我們族人一點都不像?
他們的五官和四肢,完全不像我們!
小小的眼睛,頭上有濃密的毛發,還有身型也比我們大一倍。
對了,五萬年前,我們的祖先還很卑微。
這麽說來,五萬年前,地球上曾經住著一群智慧型生物!
奇怪,為什麽他們後來又消失了呢?
難道是……
一個可怕的想法閃過腦海。
無論如何,我要去認識他們。
好,就從那女孩開始。

我潛入了那洋房。
這時,紫芊正在客廳看電視,表情十分無趣。
而我正觀察她的一舉一動,腦子在盤算著該如何與她溝通。
如果我貿然出現,肯定嚇壞她。
突然間,我見到一樣東西,心情頓時激動起來。
以前,我只能在博物館才能見到它的化石。
今日,我竟然見到活生生的它。
我見到我的祖先!

“哇!蟑螂啊!”紫芊驚叫。
她接著拿起拖鞋,便朝我祖先打去。
“不要!”
我毫不猶豫地護著祖先,也就是紫芊口中的“蟑螂”。
我突然現身,嚇得紫芊踉蹌地往後退了幾步。
不過,出乎我的意料,紫芊並沒有驚慌大喊。
她水汪汪的雙眼睜得大大的,像掃描機似的從上到下仔細打量我,看了一遍又一遍。
“好可愛啊!你是什麽東西?你的大眼睛好帥啊!你是從哪裏來的啊?你好像迷你蜘蛛俠咧。”
蜘蛛俠?那是什麽?
“喂,你叫什麽名?小可愛!”
這女孩問一句,又贊一句,弄得我的心怦怦亂跳。
我的復眼不禁紅起來了。
“我……我……叫伊爾。我來自未來。”
“未來?”紫芊半信半疑。

這時候,祖先又出現在大家的眼前。
“蟑螂去死吧!”紫芊把拖鞋拋向它。
我立即揮手擋開拖鞋。
“住手!不要傷害我祖先!”
“你的祖先?”
“對。”
“它是你的祖先?你是蟑螂的後代?”紫芊露出難以置信的表情。
“蟑螂”這詞是祖先在這時代的名稱。
“是的。”
“我不相信。惡心的蟑螂怎麽可能變成蜘蛛俠呢!”
“我的確來自五萬年後的世界。”說完,我向紫芊展示我的時光機。
“難道五萬年後的世界都是蟑螂人?那麽人類呢?”
“在我的世界,只有我的族人。像你們這種人類,我完全沒看過。說不定……說不定你們……那時候已經絕種了。”
我說得很沉重。
我相信我的推理。
解開一切謎團,或許就在今天。

突然,轟隆一聲,驚天動地的巨響。
天邊冒出一朵恐怖的巨型蘑菇。
“現在是一則緊急新聞,剛才位於東海岸的核電廠發生大爆炸。現在政府下令所有東海岸的人民立刻撤離……”
紫芊聽了,臉色一陣青一陣白。
“不!爸爸!爸爸啊!”紫芊癱倒在地,放聲大哭。
紫芊的爸爸就是在核電廠工作。
核電廠發生大爆炸,那麽紫芊爸爸也難以幸免了。
難道所謂五萬年前的真相就是這件事?
核電廠大爆炸,導致人類滅絕,地球成了死亡星球。
接著是,黑色天空、無盡沙漠、輻射空氣一一出現……
想到這裏,我倒抽一口涼氣。


“我要去找爸爸!我要去找爸爸!”
“紫芊!等一下,那裏很危險!”
“我不管!我要去!我要去!”
紫芊跑出家門,我阻止不了。
怎麽辦?我不能見死不救!
啊,我有辦法了!
“紫芊,我有時光機。我們回到事發前的時間,去救你爸爸!”
紫芊一聽,絕望的神情霎那充滿希望,頓時破涕為笑。
我啟動了時光機,攜著紫芊坐上去,然後立即啟航。
“目標時間為十分鐘前,地點為東海岸核電廠內。”
“收到。嗶啵。”
時光機發出綠光,啟航了。

不一會兒,時光機停止了。
我們來到了爆炸前的核電廠內。
一走出時光機,迎面而來的是一連聲欲撕裂耳膜的警鈴,四周圍的紅色警報燈亮個不停。
“註意!反應堆的燃料棒開始融化!”
“糟糕,蒸汽壓力迅速增加!”
核電廠內的工程師們分秒必爭地正在搶修故障的部分,我和紫芊穿過混亂的人群,四處找尋紫芊爸爸的蹤跡。
“堆芯熔毀當中,輻射開始泄漏了!趕快進行冷卻!”

“爸爸!那是爸爸的聲音!”紫芊大喜,馬上循著聲源走去。
我們走到了反應堆內部控制室。
一位工程師臉色凝重,在和下屬研究如何搶救逐漸失控的核反應堆。
“爸爸!”紫芊大喊。
此人正是紫芊爸爸。
“紫芊?你怎麽在這裏?”爸爸大驚。
紫芊撲進爸爸的懷裏痛哭。
“爸爸!快逃走!”
“紫芊,這裏很危險,趕快回家去!”
“我不要!”
“隊長,大事不好啦!控制棒在插入過程中被卡住了,造成冷卻系統失靈!不到三分鐘,堆芯就會完全熔毀而爆炸。”一位下屬告訴爸爸。
爸爸聽了,面如死灰。
“爆炸的話,那麽就是世界末日了。”
爸爸這話令我全身猛烈顫抖。
“不行!我絕不能讓它發生!我要進入反應堆,用手插入控制棒!”
“隊長,反應堆裏的輻射強度是三萬倫琴。任何人進去不到一分鐘,就會死亡。”
“沒法子了,我一定進去,我決不能讓世界滅亡!”
“爸爸,別去!”紫芊阻止。
 
“隊長,讓我進去吧。”不知哪來的勇氣,使我毛遂自薦。
“你是?”
“我是紫芊的朋友。我不是人類,我是蟑螂人,我比你們更能抵抗核輻射。”
說完,我便沖進反應堆內部。
“伊爾!”紫芊大喊。

我走進反應堆內部,眼前的堆芯暴露在空氣中,熾熱得快要燃燒起來。
我的任務是用手插入控制棒,那麽核反應就會停止。
控制棒就在不遠處,我卯足全力跑去。
四周圍的輻射,瞬間掏空我的體力。
我感到天旋地轉,耳邊開始發出嗡嗡聲,焦黑色液體從口裏嘔出。
呼吸越來越急促,視線愈來愈模糊。
我的生命來到了極限。
但,我不能放棄!
溫暖陽光、翠綠草地、蔚藍天空,這美麗的世界,我絕不可以放棄!

我抓起了控制棒,用盡最後一口氣,大力插入控制棒。
“核反應終止了。”
我松了一口氣。
我救了地球。
我救了五萬年。
 
眼前一黑……

(完)

此作品獲得2014年魔豆原創大賞教師組冠軍

星期五, 9月 21, 2018

愛妻新名公告:孋鋗

吾愛妻已在戊戌年八月初十更改名字,新名為孋鋗,舊名是麗娟。

根據漢典解義:
孋 lì       ~ 美好。
鋗 juān  ~ 古代帝王的侍臣。

配合此佳事,小弟特意為愛妻寫一首詩。


星期四, 6月 01, 2017

悼明亡:華夏失國355年

1662年,對一般史學家來說,是無足輕重的一年。在東亞大陸,來自西伯利亞東部的滿族侵略者,經過18年的南征北伐,幾乎已經佔領了整個中國,開始建立以滿族八旗為主的社會秩序。

1662年,即清康熙元年,開啟了所謂的“康乾盛世”,伴隨著的是殘酷的薙髮易服令、銷毀大量明代典籍及大興文字獄以禁錮百姓思想的黑暗時代。

1662年,乃明永曆十六年,在那風雨飄搖的六月裡,隨著三位重要人物的相續離世,華夏文明的崩潰已回天乏力。


1662年6月1日,大明帝國最後一位皇帝明昭宗永曆帝被處死,明室正朔餘脈宣告涅滅。(英語曰Remaining elements of Ming Dynasty dissolved.)

在雲南的永曆帝殉國處紀念碑

1662年6月23日,在東南沿海舉兵抗清的國姓爺鄭成功將軍病死於台灣。四天以後即6月27日,在西南滇黔一帶反清復明的晉王李定國將軍,因永曆帝被絞殺而悲憤而終。

明末抗清兩大名將:李定國和鄭成功

隨著這兩位苦撐大明江山不倒的擎天雙柱相續逝世後,華夏文明登時轟然隕落,這一年就是發生在355年前的1662年。在那個以君主代表國族的皇權時代中,華人從此成了異族統治下的亡國奴。


今天是2017年6月1日,小弟身著明制漢服,在明太祖洪武皇帝像前默哀,以表對這一悲慟日子的悼念,同時緬懷曾在歷史長河輝煌三個世紀的大明朝。有時會在想,如果李定國和鄭成功兩軍會師成功,屆時歷史又會是怎樣的面貌呢?

有人問:這一天,值得紀念嗎?

華夏文明隕落,難道還不值得紀念嗎?

華夏文明哪有滅亡,現在我們不是好好的嗎?

我們其實和現代埃及人沒有什麼分別,只不過我們比埃及人幸運一點點,因為我們至少還繼承了華夏先祖遺留下來的漢字(但已是殘缺的简体字),還有一些傳統節慶的日期(大部分的祭禮細節已失傳)。

但是,我們華夏原有的智慧面貌被毀容成狡猾,我們華夏士人的風骨脊梁被打斷成奴才,還有遠遠領先西方的華夏科技、經濟和政治體制等全部喪盡,數千萬計勇烈誠信的生命被殺戮,殘存下來的人都是奴化民族。文明退化成野蠻。

這就是文明的凋殘、華夏的隕落。

著名的英國學者李約瑟(Joseph Needham)曾提出了一個史學難題:儘管中國古代對人類科技發展做出了很多重要貢獻,但為什麼科學和工業革命沒有在近代的中國發生?

我想17世紀中旬發生在中國的悲劇,就是以上難題的答案吧~

永曆貨幣在明鄭的推廣下,一度成為當時的國際貨幣!

外話:大明隕落前的友人~羅馬教廷

正當大明帝國被滿清覆滅之際,到底有沒有友邦伸出援手扶大明一把?

朝鮮曾計劃出兵助明朝驅逐滿虜,但不過是紙上談兵並沒有付諸行動。日本幕府頂多只是為來避難的明朝遺臣提供庇護。緬甸曾經收留逃亡的永曆帝,可是後來背叛了永曆帝,把他交押給滿清,間接害死了明朝末代皇帝。

唯一曾經提供實際的軍事援助給明朝抗清的,竟然是來自遙遠西方的紅毛老外!

想不到吧~!

大明隕落前,永曆帝曾經派外交官直接遠赴羅馬,向教皇求救!永曆帝母親王太后親筆致信教皇,信中祈求【天主保祐我國中興太平】。羅馬教廷下令葡萄牙澳門政府,出兵攜大砲援助明軍抗清,一度收復不少失地。而後,永曆帝為了感恩教廷的幫助,他全家決定受洗為天主教徒。

明朝致教皇的求助信

英語翻譯概要:
Letter from the Grand Empress Dowager Elena Wang (永曆帝母親王太后)to the Pope, asking for help against the Manchu invaders. It is also written in the name of the Yongli Emperor's mother (Empress Dowager Maria Ma) and wife (Empress Consort Anne Wang), as well as his infant son, Crown Prince Constantine Zhu.

可惜遠水救不了近火,就算羅馬教廷肯派遣十字軍,千里迢迢地來拯救大明,也太遲了~

無論如何,當我知道這段歷史時,還相當震撼的!明朝滅亡的悲劇,不只是東方黃種人悲慟,遠在西方的白人,看在眼裡,也痛在心裡啊!

這也難怪在130年後,英國特使馬戛爾尼伯爵(Earl Macartney)來到滿清治下的中國,感嘆道:中國人正在逐步退化到半野蠻人的時代。

特登此文以悼吾大明滅亡355年。